اتفضلو معايا ..بسم الله ،
اصلي قاعدة بفطر بقسماط وشاي بحليب،قصدي شاي بلبن علشان خاطرك انت بس يا مزمز (ده اسم الدلع بتاع جوزي) ، نرجع لمرجوعنا كنا بنقول ايه !!؟؟ أه افتكرت كنت بقولوكو اتفضلو معايا بسم الله حاجة علي ما قُسُم ..
النهاردة صحيت زي ما بصحي كل يوم ،عملت اللي بعمله كل يوم ، قمت عملت سندوتشات لمزمز( مش بعايرك والله ) وعملته سندوتش للفطار وكوباية شاى ،اى نعم هو بيسيب نصها مش بيشربوا بس مش مشكلة، بيفكرني بماما كانت كل يوم الصبح تصحي وهى في السرير تقولنا اعملولى شاى بحليب وتنام!!! و ياويلنا يا سواد ليلنا لو معملنهوش ، أى نعم هى برضة كانت بتسيبو جمبها لحد ما يتلج ولما تصحى بجد تخلينا نسخنو ثانى بس كان لازم ننعملو ،ولحد دلوقتي محدش عرف ايه هو سر الشاى أبو حليب اللي كان لازم يبقى جمبها وهى نايمة و يُعاد تسخينة مرة ثانية لما تصحى!!!!
ويبقى السؤال حائرا ً.
هناك تعليق واحد:
ازيك يا سمراااااااا وحشاني ووحشني كلامك من امبارح لليوم وقصصك الحلوة المسليه بس مش عارفه مالي نفسيتي مش راضيه تتزبط لسه مش عارفه هتعد كده قد ايه يلا قدينا بنمشي عشان نقدر نتعايش مع الجو اصلي في ناس بتخلي الواحد يتنكد عندها هوايه تنكيد بس الحمدلله الواحد عندو قوة خارقه ان يمسك اعصابو عشان يعيش ويتنيل يعد ويريح حالو المهم صحه وهنا يا سمرا امال بنتك وين مش سامعين صوتها خير يارب
إرسال تعليق