يعنى اية حب وايه السر ان كل الناس عايزة تحب وتنحب ...ويقطعو نفسهم علشان يكونو بيحبو واللى ميقدرش بيخترع حالة شبيها بالحب وهمية وبيعيشها ..كل التساؤلات دى اثارها كلام اخويا اللى نفسو يكون فى حد فى حياتو مين ميكون مش مهم بس يحب وحاسس حياتو فاضية ومملة وتيجى بنت حلوة زى نانسى ولا مايصة ولااسمهم اية دول من ميلودى يحبوه ويجبلهم حاجات ويخسر مكالمات ومشاوير عليهم طيب ليه التعب دا يا ربى والجرى الفاضى ولا كلامى غلط .............سؤال تانى فى بالى ليه انا بفكر بالطريقة دى منا حبيت وجريت وقطعت نفسى وعشت قصة طويلة عريضة واهم حاجة فى الموضوع انى حلمت ..حلمت حلم كبييييررر وفى الاخر فين انا وفين الحلم انا بصراحة ليا سنتين ناسية موضوع الحب دا مفكرتش فيه وتقريبا عزلت نفسى عن اى ذكرى بيه بطلت اسمع اغانى (ام كلثوم) وغيرها ومبقتش بحب فيروز وبكره ريحة العطور والنسكافيه والصحيان بدرى ومبرحش الاماكن والشوارع اللى دهولتنى على عينى حتى نسمة الهوا الباردة اللى بتفكرنى بالشتا بقفل منخيرى علشان مشمهاش وفتكر وبهرب من المطر مبخلهوش يلمسنى لانو بيفكرنى باعز انسان عندى ..طول الوقت بهرب وبهرب وايه الفايدة دا سؤالى مدام بنهرب بندور ليه من اساسو؟ هقفل الموضوع دلوقتى لانى لو تكلمت اكتر هدخل فى تفاصيل ومش عايزة انسا انى فى حالة هروب.
الاشتراك في:
تعليقات الرسالة (Atom)
هناك تعليق واحد:
ياااااااااااااااااااااااا يا ذكريات كل دا هروب بالعكس الحب احلا شي بالوجود هو صحيح انقرض واخساااااارتاه بس ممكن نعوضو بحاجات تانيه لأن صعب فعلا انك تلاقي الحب في الزمن ده بس لازم يجي ولو ماجاش بتلاقي حاجات كتير تحبيها وتحبك انا بالعكس بحب حالة الحب وبحب احب واتحب حتى لو احب اهلي واخواتي او شغلي او حاجه معينه اعملها اضحك على نفسي يعني واعطي نفسي امل اني عايشه بس ما نجريش ورا الحب بتاع ايام المراهقه وكل وقت ليه طريقه في الحب الاهم يكون في احترام وتفاهم ويارب تلاقي الحب اللي يستاهلك والراحه واحمدي ربنا يمكن ريحك من حاجه عشان يعوضك بأحسن منها وعسى ان تكرهو شيء وهو خير لكم وربنا معاكي وتغيري ذكرياتك وتبقى حاضرك ومستقبلك
إرسال تعليق